რეზო ამაშუკელის უხამსი მიმართვა მაკა ჩიჩუას და ნიკა გვარამიას პირჯვრის გადაწერის შემდეგ
გაზეთ "ასავალ-დასავალის" "ფეისბუქის" გვერდზე რეზო ამაშუკელის ვიდეომიმართვები კვლავ დაბრუნდა. ამჯერად პოეტი მოკლე ვიდეოპოსტით შემოიფარგლა, სადაც არა მსჯელობა, არამედ მცირე, მაგრამ უხამსი რეპლიკა შესთავაზა პუბლიკას. ის გამოეხმაურა ვიდეოს, რომელშიც საქართველოს პირველი ლედი მაკა ჩიჩუა და სამაუწყებლო კომპანია "რუსთავი 2"-ის გენერალური დირექტორი ნიკა გვარამია ცეკვავენ. ვიდეო სატელევიზიო შოუ "ნიჭიერის" კულისებშია გადაღებული.