ადრიანა ლიმამ იახტა მილიონ დოლარად იყიდა
ადრიანა ლიმამ იახტაში მილიონი გადაიხადა. 32 წლის ბრაზილიელმა სუპერმოდელმა, რომელიც თავის დროზე "ვიქტორია სეკრეტის" ერთ-ერთი "ანგელოზი" იყო, საკუთარი თავის რაიმე სიახლით განებივრება გადაწყვიტა და ჰოლანდიური იახტა "ზეელანდერ 44" მილიონ დოლარად შეიძინა. დადის ხმები, რომ მოდელს იახტის ყიდვა მისმა მწარმოებლებმა ერთ-ერთ კერძო ვახშამზე ჩააგონეს. თუმცა, შეძენის გადაწყვეტილება სუპერმოდელს იოლად არ მიუღია. ლიმას ნამდვილად შეუძლია საკუთარ თავს ამის უფლება მისცეს - "ფრობსის" ვერსიით, ის მსოფლიოს უმდიდრესი მოდელების სიაში მესამე ადგილზეა.