რა პროცედურები დარჩა იმისთვის, რომ საქართველომ ვიზალიბერალიზაცია მიიღოს?
ჩვენ ძალიან ახლოს ვართ იმასთან, რომ ძალიან მალე გაფორმდეს საქართველოსთვის ევროკავშირთან თავისუფალი მიმოსვლა, - ამის შესახებ საგარეო საქმეთა მინისტრის მოადგილემ, დავით ზალკალიანმა "პალიტრანიუსის" გადაცემაში "360 გრადუსი" განაცხადა. მისი თქმით, საქართველომ ვიზალიბერალიზაციის გზაზე არსებული მთავარი და პრაქტიკულად ერთადერთი ბარიერი გადალახა. მისივე თქმით, დარჩენილია მხოლოდ ტექნიკური საკითხები, რომელთა დასრულებას უმოკლეს ვადებში ელოდება.