რატომ აჩერებდა პატრული მძღოლებს ახალ წელს?
საპატრულო პოლიციის თანამშრომლებმა ახალ წელს თბილისსა და საქართველოს ყველა რეგიონში მოქალაქეებს სიურპრიზი მოუმზადეს. პატრულ-ინსპექტორებმა მთელი ქვეყნის მასშტაბით 500-ზე მეტ მძღოლს, შს სამინისტროს სახელით, საგზაო მოძრაობის უსაფრთხოების კამპანიის ლოგოთი გაფორმებული საახალწლო ნობათი, მისალოცი ბარათი, ტკბილეული და სიმბოლური საჩუქრები გადასცეს. საპატრულო პოლიციის საახალწლო საჩუქრების აქცია დღესასწაულის დღეებში კვლავ გაგრძელდება.