"საპატრიარქოშივე გაილახა" - უწმინდესის დაცვის წევრს ინფორმაციის გაჟონვაში ადანაშაულებენ - პალიტრა ვიდეო

მეუფემ ცოტა ხნის წინ "პრაიმ-ტაიმის" მიერ გამოქვეყნებულ წერილზე ისაუბრა, მას ცილისმწამებლური უწოდა და იმ ადამიანებზე ისაუბრა, ვისაც ამ წერილის დაწერაში მიუძღვით წვლილი.

"ჩემთვის ღირსება უპირველესია. ეპისკოპოსობა არაფერს ნიშნავს, თუ ღირსება არ მექნება და მე ვირჩევ ღირსებას", - განაცხადა ბოდბელმა ეპისკოპოსმა, მეუფე იაკობმა ღვთისმშობლის ტაძრად მიყვანების დღესასწაულზე წარმოთქმულ ქადაგებაში ბოდბის საკათედრო ტაძარში.

"ეკლესიის წინააღმდეგ მიდის ბრძოლა, პირადად პატრიარქს ებრძვიან. ამ დროს მე ვიტვირთავ იმას, რომ ჩვენი ეკლესია ასეთი ხალხისგან გავათავისუფლოთ. როცა პირადად მე მეხებიან, ამას მოვითმენ, მაგრამ როცა უწმინდესის წინააღმდეგ მოქმედებენ, ამის მოთმენა არ შეიძლება", - აცხადებს ეპისკოპოსი.