ქუთაისში ტაძრის ხარაჩოდან ჩამოვარდნილი ფიცარი ქალს დაეცა
უამინდობა ქუთაისში. ქარმა 31-ე საჯარო სკოლას სახურავი გადახადა. უსაფრთხოების ზომებიდან გამომდინარე, სკოლის დირექციამ სასწავლო პროცესის შეჩერება გადაწყვეტა. თამარ მეფის ქუჩაზე კი შუახნის ქალს მშენებარე ტაძრის ხარაჩოდან ჩამოვარდნილი ფიცარი დაეცა. დაზარალებული საავადმყოფოში გადაიყვანეს. ის რეანიმაციულ განყოფილებაში იმყოფება. ექიმების თქმით, მისი ჯანმრთელობის მდგომარეობა სტაბილურია.