ნავთლუღის სპეცოპერაციის მოწმე: "სროლა ცალმხრივად ხორციელდებოდა"
ნავთლუღის სპეცოპერაციის საქმეზე ბრალდების მხარის მოწმე დაიკითხა. სასამართლოს ჩვენება დაცვის კერძო სამსახურის ყოფილმა თანამშრომელმა მისცა. დავით ჩუბინიძის თქმით, სპეცოპერაციის დროს ნავთლუღის ტერიტორიაზე იმყოფებოდა და დაინახა, თუ როგორ ისროდა რამდენიმე ადამიანი. მისივე მტკიცებით, სროლა ცალმხრივად ხორციელდებოდა და ადგილზე ბრალდებულები დათა ახალაია და გიორგი დგებუაძეც იმყოფებოდნენ. აღნიშნულ პირებს გამოძიება საკონტროლო გასროლის განხორციელებას ედავება.