ხულოში დაკარგულ ქალს 6 დღეა ეძებენ
ხულოს მუნიციპალიტეტის სოფელ ძირკვაძეებში 6 დღის წინ გაუჩინარებულ ქალს ეძებენ. 68 წლის ჰურიე ჯორბენაძე სახლიდან 19 ოქტომბერს, დილის რვა საათზე გავიდა. ოჯახმა მომხდარის შესახებ პოლიციას შეატყობინა. ახლობლები და შინაგან საქმეთა სამინისტროს ქვედანაყოფები მას ამ დრომდე ეძებენ. ადგილობრივების ცნობით, დაკარგულს ფსიქიკური პრობლემები ჰქონდა.