"მასობრივი არაპროფესიონალიზმი" - არასამთავრობოები საარჩევნო ადმინისტრაციის თანამშრომლებს კვალიფიკაციას უწუნებენ
"საქმე გვაქვს მასობრივ არაპროფესიონალიზმთან" - აცხადებენ არასამთავრობო ორგანიზაციები და საარჩევნო ადმინისტრაციის თანამშრომლების კვალიფიკაციის ნაკლებობაზე საუბრობენ. ახალგაზრდა იურისტთა ასოციაციის თავმჯდომარე ანა ნაცვლიშვილის განცხადებით, 8 ოქტომბერს გამართულ არჩევნებზე დაფიქსირდა არაერთი ფაქტი, როცა კომისიის თავმჯდომარემ დამკვირვებლის მიერ დაფიქსირებული საჩივარი არ ჩაიბარა, რაც არაკვალიფიციურობაზე მეტყველებს. თავის მხრივ, საზოგადოებრივი დამცველის წარმომადგენელ დემეტრე ლომაძის განცხადებით, დაფიქსირდა ასევე საარჩევნო კოდექსის არცოდნის ფაქტები.