"შემოამტვრია კარები, დანა გახსნა..." - ბურჭულაძის პარტიის მაჟორიტარობის კანდიდატი "ნაციონალების" აქტივისტების მუქარაზე - პალიტრა ვიდეო

"სახელმწიფო ხალხისთვის" მარნეულის 35-ე ოლქის მაჟორიტარობის კანდიდატი "ნაციონალური მოძრაობის" აქტივისტებს ზეწოლასა და მუქარაში ადანაშაულებს. კამრან მამედოვის განცხადებით, "ნაციონალური მოძრაობის" კანდიდატის ახლობლები მასთან მივიდნენ, სიტყვიერი შეურაცხყოფა მიაყენეს და ცივი იარაღით დაემუქრნენ.

"ნაციონალურ მოძრაობაში" ფაქტთან ყოველგვარს კავშირს უარყოფენ და აცხადებენ, რომ პირები, რომლებიც თითქოსდა კანდიდატს ემუქრებოდნენ,  არც პარტიის წევრები არიან და არც აგიტაციას ეწევიან. საქმეზე გამოძიება სხვისი ნივთის დაზიანებისა და მუქარის მუხლებით მიმდინარეობს.