ბოლო სიახლეები
 
ვიდეოს სანახავად, გთხოვთ, განაახლოთ ბრაუზერი
16:49 / 20-03-2016
თავხედური ძარცვის დეტალები: რა გაიტაცა ყაჩაღმა ქეთევან იგნატოვას სახლიდან და როგორ აიყვანეს 26 წლის თავდამსხმელი
შინაგან საქმეთა სამინისტრომ ჟურნალისტ ქეთევან იგნატოვას სახლში მომხდარი ყაჩაღობის ფაქტი გახსნა. როგორც სამინისტროს მიერ გავრცელებულ განცხადებაშია ნათქვამი, თბილისის პოლიციის დეპარტამენტის ძველი თბილისის სამმართველოს მესამე განყოფილების და ისანი-სამგორის სამმართველოს მესამე განყოფილების თანამშრომლებმა, ერთობლივად ჩატარებული ოპერატიულ-სამძებრო და საგამოძიებო ღონისძიებების შედეგად, 1990 წელს დაბადებული რევაზ კ. დააკავეს. 26 წლის მამაკაცს ყაჩაღობა და თავისუფლების უკანონო აღკვეთა ედება ბრალად.

გამოძიებამ დაადგინა, რომ რევაზ კ.-მ 14 მარტს, ღამით, თბილისში, ზანდუკელის ქუჩაზე, ზაზა ციციშვილისა და ქეთევან იგნატოვას სახლში უკანონოდ შეაღწია, მართლსაწინააღმდეგო მისაკუთრების მიზნით, ქეთევან იგნატოვას იარაღის მუქარით გასტაცა ოქროს ბეჭედი, 200 ლარი, 2 ძვირადღირებული მობილური ტელეფონი, 2 ნოუთბუქი, 400 დოლარი და რარიტეტული მედლები. მან სახლში მყოფ ხუთ ადამიანს, მათ შორის, ერთ მცირეწლოვან ბავშვს, ერთ საათზე მეტი ნის განმავლობაში თავისუფლება უკანონოდ აღუკვეთა.

ბოროტმოქმედთან სიტყვიერი და ფიზიკური დაპირისპირებისას, ზაზა ციციშვილსა და მის მეუღლეს ქეთევან იგნატოვას დანით სხეულზე დაზიანებები მიადგათ. მათი ჯანმრთელობის მდგომარეობა სტაბილურია.

რევაზ კ. ყაჩაღობიდან 5 დღეში ბერი გაბრიელ სალოსის ქუჩაზე დააკავეს. დანაშაულის ჩადენის იარაღი - 2 დანა და 210 ლარი ნივთმტკიცებად ამოიღეს. გამოძიება ყაჩაღობისა და თავისუფლების უკანონო აღკვეთის ფაქტზე მიმდინარეობს.
კომენტარები (2)
10:39 21-03-2016
lia
ყაჩაღობა მოიცავს თავისუფლების უკანონოდ აღკვეთას :) გაიტაცა 200 ლარი, საიდანაც ნივთმტკიცებად ამოიღეს 210 ლარი :)
23:30 20-03-2016
იური.
რადგან ყვლაფერი მშვდობიანად დასრულდა,ხომ შეიძლება ცოტათი გავიხუმროთ. გამომძიებლებს არ ცოდნიათ რომ ყაჩაღობას თავისი კანონები აქვს და თავისუფლების უკანონოდ აღკვეთა დროებით, ამ კანონების ქვე პუნქტია. დაბრალდებად მარტო ყაჩაღობა დაუტოვეთ,ცოდვაა ეს ღვთისნიერი კაცი.