15:58 / 27-11-2011
შიდსის შესახებ საზოგადოების ინფორმირების მიზნით შეხვედრა გაიმართა
ამ ვიდეოს სანახავად თქვენ უნდა ჩამოტვირთოთ Flash Player-ის ბოლო ვერსია.
შეხვედრაში ჟურნალისტებსა და ბლოგერებთან ერთად შიდსის ცენტრის ექიმი მაია ცინცაძე, ფსიქოლოგი გიორგი წოწკოლაური და მედეა ხმელიძე მონაწილეობდნენ, რომლებიც უშუალოდ აივ-ინფიცირებულებთან მუშაობენ.
როგორც "პალიტრა ტვ-ს" შეხვედრის ორგანიზატორმა, გიორგი გიორგაშვილმა განუცხადა, ღონისძიების მიზანია, ბლოგერების, როგორც ყველაზე აქტიური ინტერნეტმომხმარებლებისა და ჟურნალისტების მეშვეობით საზოგადოების სწორი ინფორმირება შიდსის შესახებ.
შიდსის ცენტრის ექიმის, მაია ცინცაძის განცხადებით, 1-ელი დეკემბერი შიდსთან ბრძოლის საერთაშორისო დღეა, რომლის ერთ-ერთი მთავარი დატვირთვაა, გაიზარდოს სამოქალაქო საზოგადოების ინფორმირებულობა. "კერძოდ, მნიშვნელოვანია, საზოგადოებას კიდევ ერთხელ მიეწოდოს ინფორმაცია, რა ხდება დღეს მსოფლიოში, საქართველოში, როგორი მდგომარეობაა სტატისტიკურად და ინფორმაცია, თუ როგორ გადადის ეს დაავადება და როგორ ავიცილოთ თავიდან ინფიცირება", - აღნიშნა მაია ცინცაძემ.
