• ბრაზილიური სერიალი - ,,თურქული ვნება"
ტოპ ვიდეოები
არქივის კალენდარი
18:23 / 16-12-2013
"კავკაზუს ონლაინის" ძველი მფლობელი ყოფილი ხელისუფლების წინააღმდეგ
ამ ვიდეოს სანახავად თქვენ უნდა ჩამოტვირთოთ Flash Player-ის ბოლო ვერსია.
სამოქალაქო საქმის "მამია სანადირაძე - შპს "ნელგადოს" წინააღმდეგ" წინასასამართლო სხდომა 26 დეკემბერს გაგრძელდება. დღევანდელ პროცესზე კი მოსამართლე თამაზ ურთმელიძემ დაპირისპირებული მხარეების შუამდგომლობებზე გადაწყვეტილებები მიიღო. მოსამართლემ დააკმაყოფილა მოსარჩელე სანადირაძის შუამდგომლობები საქმეზე მტკიცებულებების დართვის თაობაზე.

სანადირაძის ადვოკატის, ციცინო დევრისაშვილის განცხადებით, მან მოითხოვა საქმეზე დაერთოთ იძულებითი გარიგების დამამტკიცებელი საბუთები, რომელიც ასახავს, რომ "კავკაზუს ონლაინი" მამია სანადირაძეს იძულებით გადააფორმებინეს.

სანადირაძის თქმით, ყოფილმა შს მინისტრმა ვანო მერაბიშვილმა მიუგზავა მიყურადების სამსახურის მაშინდელი ხელმძღვანელი, რათა განეხორციელებინა ფარული მიყურადება პირებზე, ვისაც მოითხოვდა. კომპანიამ კი ამაზე უარი თქვა, რის შემდეგ მას "კავკაზუს ონლაინი" იძულებით დაათმობინეს.

მამია სანადირაძის თქმით, გარდა საქალაქო სასამართლოში შეტანილი სამოქალაქო სარჩელისა, იგი სისხლის სამართლის საქმის აღძვრასაც მოითხოვს ხელისუფლების ყოფილი წარმომადგენლების მიმართ, რომლებიც აღნიშნული ხელშეკრულების გაფორმებაში მონაწილეობდნენ. სანადირაძის განცხადებით, პროკურატურას მან უკვე მიმართა.

იხილეთ ასევე: "გაბოზდითო", ასე გვითხრა" - როგორ ავალებდა შსს "კავკასუსს" მოსასმენი აპარატურის დამონტაჟებას
კომენტარები (0)
კომენტარი ჯერ არ გაკეთებულა.
რუბრიკის სხვა სიახლეები
ბოლო სიახლეები